Zuma vergader met AU in Pretoria
2011-06-25 19:58
Kaapstad - Pres. Jacob Zuma sal binnekort as gasheer optree vir 'n vergadering van die Afrika Unie wat handel oor die konflik in Libië.
'n Hoëvlak AU-komitee is op die been gebring om Libiërs by te staan om hulle vir 'n vreedsame politieke oplossing te beywer.
Zuma het verlede maand in Tripoli met Muammar Gaddafi gesprek gevoer om die vredesproses te bespreek.
Maandag se vergadering in Pretoria volg voor aanstaande maand se gewone sitting van die Raad van die Afrika Unie.
Suid-Afrika en die AU was die afgelope tyd baie skepties teenoor NAVO se lugaanvalle teen Gadaffi se magte, en het die militêre liggaam daarvan beskuldig dat hy probeer om 'n bewindsverandering af te dwing.
– RSG.
– Volg Nuus24 op Twitter.