Zuma sal Sondag met Gadaffi gesels
2011-04-08 23:00
Johannesburg – President Jacob Zuma sal Sondag na Libië vlieg om met die omstrede leier Muammar Gaddafi te vergader, het die departement van internasionale betrekkinge en samewerking Vrydag gesê.
Zuma sal met Gaddafi vergader as ‘n lid van die Afrika Unie (AU).
“Die komitee is deur die Noord-Atlantiese Verdragsorganisasie (Navo) toestemming gegee om na Tripoli te reis om met Gadaffi te vergader,” het die departement bekend gemaak.
Dr. Siyabonga Cwele, minister van staatsveiligheid, sal Zuma vergesel.
Volgens die departement sal Zuma ook Saterdag in Nouakchott deel wees van ‘n AU-vergadering oor Libië.
Na bewering sal Zuma weer op Dinsdag 12 April terugkeer na Suid-Afrika.
Volg Nuus24 op Twitter.
- SAPA