Zuma na Zimbabwe
2009-08-24 20:40
Zimbabwe- President Jacob Zuma sal die week ‘n besoek aan Zimbabwe aflê om ‘n toespraak by die by die landbou-handelsmark te gee.
Dit sal sy eerste besoek aan Zimbabwe wees sedert hy president geword het in Mei van die jaar.
Die besoek kom ‘n week nadat hy en Zimbabwe se Eerste Minister, Morgan Tsvangirai, in Johannesburg ontmoet het.
Na die vergadering in Johannesburg, het Zuma dit bekend gemaak dat hy “gewigtige sake” van magsbedeling in Zimbabwe, met Robert Mugabe sal bespreek.
Die besoek is deur ‘n woordvoerder van die president bevestig, maar geen inligting rakende sy agenda, is verskaf nie.
‘n Woordvoerder vir Mugabe, Zingaphi Jakuja, het gesê dat Zuma se besoek aan Zimbabwe slegs is om die handelsmark offisieël te open.
“Zuma kom hiernatoe om die handelsmark te open, en nie om sake rondom die beweging vir demokratiese verandering (MDC) aan te spreek nie”, het Jakuja aan 'n plaasliek koerant gesê.
- Sapa-AFP