Zuma, Cameron stem saam oor Gaddafi
2011-07-18 13:01
Pretoria – Die Britse premier David Cameron en Suid-Afrika se president, Jacob Zuma, sê hulle stem saam dat Libië se leier, Muammar Gaddafi, moet gaan.
Cameron, wat tans op besoek in Suid-Afrika is, het Maandag gesê hy en Zuma glo Gaddafi moet sy mag prysgee.
“Wat met Gaddafi gebeur moet deur die Libiese mense besluit word. Julle (die Libiërs) moet onderhandel hoe, hoekom en waarheen hy moet gaan,” het Zuma gesê.
Hy het bygevoeg dat die manier waarop Gaddafi moet uittree, die een kwessie is waaroor die twee leiers verskil.
Cameron het egter gesê hulle het altwee saam gestem dat vrede in Libië nodig is en dat Gaddafi die aanvalle teen sy land se burgers moet staak.
– Volg Nuus24 op Twitter.
- SAPA