Zimbabwiërs wat Egipte-video kyk vrygelaat
2011-03-17 08:50
Harare – Ses Zimbabwiërs wat in hegtenis geneem is ná hulle na ‘n video van die Egiptiese opstand gekyk het, is Woensdag op borgtog van R13 800 vrygelaat.
Munyaradzi Gwisai, ‘n voormalige lid van Morgan Tsvangirai se MDC-party, en die ander vyf Zimbabwiërs is in Februarie gearresteer saam met 40 ander mense wat later vrygelaat is omdat daar geen bewyse van verraad teen hulle was nie.
Regter Samuel Kudya het gesê die saak teen Gwisai en sy kollegas is swak.
“Ek sien nie eens ‘n bietjie bewyse dat enige Zimbabwiër ooit beplan het om ‘n Tunisiese of Egiptiese revolusie te begin nie,” het hy gesê.
- Volg Nuus24 op Twitter.
- AFP