Zimbabwe wil Europese Unie hof toe sleep oor ‘slim’ sanksies
2011-10-03 09:25
Harare – Die Zimbabwiese regering maak hom gereed vir regstappe teen die Europese Unie (EU) oor die instelling van “slim” sanksies teen president Robert Mugabe en sy senior partybeamptes, het The Sunday Mail Sondag berig.
Volgens die koerant het Johannes Tomana, Zimbabwe se hoof-regsverteenwoordiger, ’n span van die land se bekwaamste regskenners bymekaar geroep om ’n klag teen die EU in te dien.
“Natuurlik gaan ons dagvaar. Ons het ’n skrywe aan hulle gerig en verwag dat hulle die voortgesette instelling van ‘slim’ sanksies teen ons moet regverdig,” het hy gesê.
Tomana het vroeg in September ’n ultimatum aan die EU gestel om binne twee weke te verduidelik waarom reisbeperkings op Mugabe en sommige van sy senior Zanu PF-beamptes van krag is. Indien nie, sou hy deur ’n hofsaak in die oë gestaar word.
Tydens sy besoek aan Zimbabwe het die EU se hoofdiplomaat vir Afrika, Nicholas Westcott, gesê dat die Europese blok gereed is vir die stryd met Harare.
Die EU het in 2002 “slim”sanksies teen Mugabe en sy lojaliste ingestel. Altesaam 163 Zimbabwiërs verskyn op die EU-sanksielys. Mugabe beweer die sanksies skaad sy land se ekonomie.
– Sapa-dpa
– Volg Nuus24 op Twitter.
- Die Burger