Zimbabwe verdink van wapenverskaffing aan Ivoorkus
2011-03-04 22:26
New York – Die Verenigde Nasies is besig om verdagte wapentransaksies van Zimbabwe na Ivoorkus te ondersoek inteenstelling met die sanksies wat die VN teen Laurent Gbagbo se regering ingestel het, luidens ‘n verslag.
Die verslag het uitgekom na ‘n week van skietgevegte tussen magte lojaal aan Gbagbo en dié lojaal aan Alassane Ouattara, wat internasionaal as Ivoorkus se president bekend staan.
Die gevegte kan moontlik die land, wat een van die wêreld se grootste uitvoerders van kakoa is, in ‘n burgeroorlog dompel.
Diplomate van die VN se sekuriteitsraad het gesê die moontlike verskaffing van wapens aan Gbagbo is ‘n ernstige saak. Sy magte kan die wapens gebruik teen die VN, wat Ouattara as die regmatige president sien, en burgers wat Ouattara ondersteun.
-Volg Nuus24 op Twitter.
- SAPA