Zimbabwe skenk olifante aan Noord-Korea
2010-05-14 05:10
Harare – Zimbabwiese omgewingsbewaarders meen die twee baba olifante wat aan Noord-Korea gestuur word as ‘n geskenk, sal moontlik nie die rit oorleef nie.
Die onafhanklike Zimbabwiese natuurbewaringstaakmag het Donderdag gesê dat die 18-maande oue olifante in hokke in die westelike Hwange Nasionale Park aangehou word, tesame met verskeie ander diere wat onderweg na Noord-Korea is.
Volgens Johnny Rodgrigues, hoof van die taakspan, meen verskeie kundiges dat die jong olifante nie sal oorleef nie, indien hulle vanaf hul moeders geskei word.
Zimbabwe se parkeraad was nie dadelik beskikbaar vir kommentaar nie.
- Sapa, AP
Volg Nuus24 op Twitter.