Zimbabwe se toerisme herstel
2009-11-16 15:06
Harare – Die hoof van toerisme in Zimbabwe sê dat hotel besoekers die afgelope jaar verdubbel het sedert Zimbabwe die stabiliteit van hul eenheidsregering geniet.
Emmanuel Fundira, president van Zimbabwe se Toeristeraad, het meegedeel dat hotelle omtrent 60% vol is sedert die totstandkoming van die nuwe regering in Februarie.
Verlede jaar was die hotelle slegs 30% vol.
Zimbabwe is ‘n pragtige land met baie om aan te bied, maar sedert politieke onstabiliteit die land omver gegooi het, het toerisme begin sukkel.
Tydens ‘n konferensie in Johannesburg is beleggers verseker van die feit dat daar tekens van groei is in Zimbabwe se ekonomie.
Volle herstel hang egter af van die nuwe regering se sukses en talle kenners is van mening dat dié regering nie die paal gaan haal nie.
- Sapa