Zim wil 2015-vrouewêreldbeker aanbied

2011-01-18 08:47

Harare - Zimbabwe en Kanada gaan teen mekaar meeding om die Vroue-sokkerwêreldbeker in 2015 aan te bied.

Fifa het Maandag bevestig dat dié twee lande dié sportskouspel wil aanbied, en dat hulle teen 11 Februarie die nodige dokumente moet inhandig.

Fifa se uitvoerende komitee sal op 2-3 Maart vir die beste gasheerland stem.

Hierdie jaar se toernooi word in Duitsland aangebied.

Kanada se vrouespan is tans negende op die wêreldranglys, en Zimbabwe s'n 103de.

- Volg Nuus24 op Twitter

- Sapa - AP