'Zim toon baie vordering' - Mugabe
2009-12-23 21:15
Harare - President Robert Mugabe het gesê Zimbabwe sien "vreeslik baie vordering" onder sy nuwe regering, ten spyte daarvan dat die voedselreus Nestlé Woensdag besluit het om hul bedrywighede in die land stop te sit.
By 'n perskonferensie saam met sy voormalige aardsvyand Morgan Tsvangirai, het laasgenoemde aangedring dat daar nou geensins van die ooreenkoms op die verdeling van mag in die land teruggegaan kan word nie, al sukkel die twee leiers en hul faksies al 'n jaar lank om oor die weg te kom.
"Daar is enorme vordering op die politieke gebied.
"Mense het geluister na ons noodkreet vir vrede," het Mugabe gesê.
"Ons is baie gelukkig. Ons hoop volgende jaar sal baie beter wees," aldus Mugabe.
"Net gister het ons met mekaar geboks. Ons het mekaar nou gevind, ons gesels met mekaar, ons kuier saam en ons is gelukkig," het die president gesê.
Mugabe, wat regeer sedert die land onafhanklik geword het van Brittanje in 1980, was vroeër vanjaar forseer in 'n ooreenkoms om magsverdeling met Tsvangirai. Dít kom na die land se betwyfelbare verkiesings in 2008.
Maar die regering sit steeds vas oor verskeie brandpunte, onder meer wie as die goewerneur van die sentrale bank aangestel moet word.
Ten spyte van die verskille het Tsvangirai gesê die regering sal nie ineenstort nie.
"Ons sit agter die stuur en die proses kan nie omgedraai word nie," het Tsvangirai gesê.
"Oor die afgelope 10 maande het die nuwe regering baie ondersteuning van die landsburgers ontvang. Dit is bemoedigend," het hy gesê.
Maar Tsvangirai het wel sy bekommernis uitgespreek oor die voedselreus Nestlé, wat besluit het om tydelik al hulle bedrywighede in Zimbabwe te staak.
- Sapa