Zim te ondemokraties vir verkiesing – aktiviste
2011-06-10 10:28
Harare - Menseregte-aktiviste het gesê daar is té veel geweld in Zimbabwe en die land is té ondemokraties om vanjaar 'n verkiesing te hou, berig RSG.
Dié groepe het 'n mediakonferensie gehou voor die begin van 'n noodberaad oor die krisis in die land.
Harrison Nkomo, die woordvoerder van die Zimbabwiese organisasie, Prokureurs vir Menseregte, het gesê sy organisasie het sedert Januarie bykans 900 gevalle gedokumenteer van menseregte-vergrype, onwettige aanhoudings, teistering en aanranding.
Hy het gesê daar is talle ander voorvalle wat waarskynlik nooit aangemeld is nie.
Ondersteuners van president Robert Mugabe wil hê dat 'n verkiesing voor die einde van die jaar plaasvind om sodoende die wankelende koalisie met die MDC te vervang.
Die nuuskonferensie was aanvanklik ontwrig deur Mugabe se teenstaanders en ondersteuners wat mekaar rond gestamp en op mekaar geskree het.
- Volg Nuus24 op Twitter.
- RSG