Zim staatsamptenare staak
2010-02-20 01:31
Harare – Meer as 2000 staatsamptenare het Vrydag in die Zimbabwiese hoofstad betoog en ‘n vierdubbele salarisverhoging gevra.
Tendai Chikoore, leier van die optog, het gesê dat werkers hul maandelikse salarisse van $160 (R1 236) na $630 (R4 868) verhoog wil hê.
Hulle het petisies by die parlement en die ministeries van finansies en publieke dienste ingedien.
Hy sê werkers het die $15 (R115) geweier wat die regering hulle aangebied het en dat die twee weke lange staking sal voortduur indien hulle nie hul verhogings kry nie.
Volgens Chikoore is die staking nie polities-gemotiveerd nie.
Talle mense blameer Zimbabwe se ekonomiese verbrokkeling op president Robert Mugabe se grondhervorming in 2000, waar duisende produktiewe, kommersiële plase wat deur wit mense besit was gekonfiskeer is.
Mugabe, aan die ander kant, blameer westerse sanksies vir die land se ekomoniese ineenstorting.
- Sapa-AP