Zim sing 'Skiet die Boer' vir Malema
2010-04-03 11:21
Kaapstad – Slegs 12 ure nadat Julius Malema deur die hooggeregshof in Pretoria verban is om Dubula Ibhunu ("Skiet die Boer") te sing, het hy ‘n heldeverwelkoming in Harare ontvang waar ondersteuners van Zanu-PF en regeringsamptenare van Zimbabwe dié lied gesing het as ‘n teken van ondersteuning.
Malema het glo verbaas gelyk toe hy hoor hoe hulle die lied sing, maar het geglimlag, sy hande geklap en ‘n knik van goedkeuring gegee toe lede van sy afvaardiging begin saamsing het.
Hy is kort daarna in ‘n Mercedes-Benz ML, wat aan president Robert Mugabe se neef Patrick Zhuwawo behoort, weggeneem.
Lees meer hieroor by iol