Zim se Roy Bennett vrygespreek
2010-05-10 13:00
Harare – Roy Bennett, die vertroueling van premier Morgan Tsvangirai wat van terrorisme aangekla was, is Maandag deur ‘n regter vrygespreek.
Bennett is van terrorisme aangekla nadat hy glo aan ‘n plan gewerk het om die president van Zimbabwe, Robert Mugabe, om ver te werp.
Die aanklagte kon tot die doodstraf gelei het.
Bennett se ondersteuners, wat Tsvangirai insluit, het volgehou dat die klagtes teen Bennett ongegrond was en die koalisie-regering wou ondermyn.
“Geregtigheid het plaasgevind,” het Beatrice Mtetwa, Bennett se prokureur, Maandag ná die uitspraak gesê.
Bennett, wat deur sy ondersteuners omring was, het gesê hy voel goed.
Regter Chinembiri Bhunu Part het gesê dat die bewyse deur die staatsaanklaers – ‘n beweerde skulderkenning van ‘n wapenhandelaar – ontoelaatbaar was.
Die regter het ook gesê dat die staatsaanklaers daarin misluk het om te bewys dat die e-posse wat Bennett glo aan wapenhandelaars gestuur het, eg was.
Sy vryspreking kan moontlik lei tot sy verkiesing as adjunkminister van landbou in die koalisie.
- AP
Volg Nuus24 op Twitter.