Zim-sanksies dalk opgehef

2012-07-23 13:31

Brussel – Die Europese Unie (EU) het Maandag ingestem om sanksies teen Zimbabwiese maatskappye en individue op te hef te lig indien die land ’n “vreedsame en geloofwaardige” verkiesing hou vir ’n nuwe grondwet.

Luidens ’n verklaring wat deur die 27 EU-ministers uitgereik is, sal die sanksies teen die sowat 112 Zimbabwiërs wat ’n reisverbod en in die EU  bates wat gevries is insluit, opgehef word.   

Dié besluit sal slegs geïmplementeer word indien ’n nuwe grondwet in Zimbabwe opgestel word, wat hopelik teen die einde van die jaar sal gebeur.

“Die EU stem ooreen dat ’n vreedsame en geloofwaardige referendum ’n belangrike mylpaal sal wees in aanloop tot demokratiese verkiesings in die land, wat dit sal regverdig om die sanksies teen sekere individue op te hef,” lui die verklaring.

"Daar is geen sprake dat die sanksies teen Mugabe of enigeen wat ondermeer betrokke is by die voordurende misbruik van menseregte en die aanhitsing van geweld, opgehef sal word nie – dit sal eenvoudig nie bespreek word nie," het 'n amptenaar van die EU gesê.

– Volg Nuus24 op Twitter

- SAPA