Zim-referendum: Honderde miljoene benodig

2012-10-03 10:43

Harare – Zimbabwe se verkiesingskommissie het Dinsdag gesê hy kort $104 miljoen (sowat R800 miljoen) om ‘n referendum te organiseer sodat ‘n nuwe grondwet opgestel kan word.

Die nuwe grondwet sal Zimbabwe in staat stel om sy eerste verkiesing sedert 2008 te hou.

‘n Datum vir die referendum is nog nie vasgestel nie, maar pres. Robert Mugabe wil dit luidens berigte al volgende maand hou.

Die verkiesingskommissie sê egter dat hy sowat ses weke nodig het om die nodige reëlings te tref.

Joyce Kazembe, hoof van die verkiesingskommissie, het bygevoeg dat die land gereed sal wees vir ‘n referendum as die nodige fondse beskikbaar gestel word.

Mugabe het beplan dat Zimbabwe vroeg in November vir ‘n nuwe grondwet stem, lui dokumente wat by die hooggeregshof ingedien is.

Die nuwe konsep-grondwet sal presidensiële mag verminder en die parlement se mag vermeerder. Dit sal ook die presidentstermyn tot 10 jaar verminder en die president sal vervolg kan word indien hy sy pos verlaat.

– Volg Nuus24 op Twitter
 

- AFP