Zim-produkte sien weer lig
2009-09-08 13:14
Harare - Plaaslike fabrieksprodukte het onlangs weer sy verskyning in Zimbabwe begin maak.
Dit volg nadat sommige vervaardigers weer met produksie begin voortgaan het om sódoende inflasie te laat bedaar, het die Herald, Zimbabwe se plaaslike koerant, berig.
"Dié produkte vervang al hoe meer produkte wat van Suid-Afrika af ingevoer word. Dit is egter steeds baie duurder as ingevoerde produkte," het die Herald gesê.
Groot produksiemaatskappye soos Olivine, Blue Ribbon Foods, National Foods, CFI Holdings en Unilever vervardig reeds oor die 50% van hulle produkte.
'n Opname wat in Harare se besigheidsentrum gedoen is, het volgens die Herald getoon dat plaaslike goedere reeds op van die winkelrakke beskikbaar is.
Van die voorraad sluit die basiese voedselprodukte, asook nie-voedselprodukte van tradisionele produseerders in.
“Sommige van die winkels soos OK Zimbabwe, TM en Spar het reeds begin om hulle eie produkte te begin verkoop,” het die koerant gesê.
'n Bestuurder van OK Zimbabwe het gesê 55% van hulle voorraad is plaaslike produkte.
"Van die plaaslike produkte wat op ons rakke gekry sal word is olie, mieliemeel en bone,” het hy aan die Herald gesê.
- Sapa