Zim-polisiehoof veg droogte met waterkanonne
2010-06-17 19:46
Harare - In warm weer en te midde van watertekorte het Augustine Chihuri, Zimbabwe se polisiehoof, met 'n unieke plan vorendag gekom om sy eie waterprobleme op te los.
Dié amptenaar gebruik nou waterkanonne – die soort wat gewoonlik gebruik word om skares uitmekaar te jaag – as oplossing vir 'n watertekort.
Dié stap volg op die land se probleme met waterlewering, wat baie mense dwing om water te steel, boorgate te grawe of vuil water te drink.
Chihuri het gereël dat twee waterkanonne, wat in Israel vervaardig is, by sy huis afgelewer word om water vir hom en sy gesin te verskaf.
Lees hier meer.