Zim-plaasbesetters van Duitse plaas verwyder
2010-07-14 02:25
Harare – Talle ondersteuners van president Robert Mugabe het eiendom wat deur ‘n Duitser besit word verlaat ná dreigemente dat hulp van Berlyn afgesny gaan word, het ‘n woordvoerder vir die Duitse ambassade Dinsdag gesê.
Volgens omstanders is dit die eerste keer wat diplomatiese druk teen Mugabe se administrasie suksesvol uitgevoer is sedert hy ‘n revolusionêre grondhervormings-program in 2000 geloods het.
Met dié program het hy 4 500 boere en hul families van hul grond afgejaag en die vernietiging van die landbou-gebaseerde ekonomie veroorsaak.
Drie plase, wat deur die Duitser Heinrich von Pezold besit word en waar koffie, tee, vrugte en hout in die Chipinge distrik vervaardig word, is vroeg in Junie deur bendes oorgeneem.
Ten spyte daarvan dat die plase beskerm word deur ‘n dekade-oue bilaterale beleggings-ooreenkoms, het polisie geweier om teen die oortreders op te tree.
Die ambassade het gevolglik ‘n woedende protes teen die regering uitgereik en gewaarsku dat ‘n beloofde $20 miljoen (R152 miljoen) subsidie aan die bankrotte regering deur die Duitse parlement nie goedgekeur sal word nie.
Dit was die laaste paar dae stil hier, het die woordvoerder vir die ambassade Matthias Schumacher gesê.
Die jongmense het êrens anders gegaan, het hy gesê.
Die blyk ‘n resultaat van die diplomatiese druk te wees.
Vrese dat die bendes met versterkings sal terugkeer en met wraak teen die werkers optree het nie gerealiseer nie.
Volg Nuus24 op Twitter
- Sapa-DPA