Zim onttrek vrouewêreldbeker-bod
2011-03-01 17:00
Kaapstad - Fifa het Dinsdag aangekondig dat Zimbabwe sy bod om die Wêreldbeker-sokkertoernooi vir vroue in 2015 aan te bied, onttrek het.
Die aankondiging beteken dat Kanada dus die enigste kandidaat is om as gasheerland vir dié toernooi gekies te word.
Kanada se bod moet eers deur Fifa goedgekeur word wanneer sy uitvoerende raad Woensdag en Donderdag vergader.
Die minister van sport in Kanada, Gary Lunn, het Maandag met Fifa-president Sepp Blatter vergader om sy land se bod te bevorder.
Kanada het voorheen die mans se o.20 Wêreldbeker-toernooi in 2007 aangebied.
Amptenare in Zimbabwe het erken dat dié Afrika-land se infrastruktuur slegs aan die minimum vereistes voldoen om 'n Wêreldbeker-toernooi aan te bied.
Volg Nuus24 op Twitter.
- AP