Zim lig verbod op BBC
2009-07-30 09:59
Londen - Die Zimbabwiese regering het ‘n verbod op die Britse uitsaaier BBC gelig en 'n 8 jaar-lange media sensorskap beëindig.
"Die Zimbabwiese regering het aan die BBC gesê daar is geen meer verbod op hom in dié land nie, en ons kan nou vrylik en wettiglik vanuit Zimbabwe verslag lewer”, het die uitsaaier Donderdag op sy webblad gesê.
Die BBC het van 2001 af geen amptelike teenwoordigheid in Zimbabwe gehad nie, nadat sy Harare-korrespondent uit die land moes vlug. Die uitsaaier se verslaggewers het wel in die geheim stories vanuit die land geskryf.
Verhoudinge tussen Londen en Harare het vlam gevat oor die land se omstrede grondhervormingsbeleid, waartydens wit boere se plase aan Zimbabwiërs oorgehandig is. Die Engelse owerhede het dit as ’n oortreding van menseregte verklaar.
Menseregte-groepe het herhaaldelik druk op die regering geplaas om streng mediawette, wat baie plaaslike koerante toegemaak en joernaliste en redakteurs in hegtenis geneem het, te verslap.
Die vurige verhouding tussen Londen en Harare het afgekoel ná gesprekke tussen Zimbabwe se regering en die BBC se redakteurs van sy Afrika buro.
- AFP