Zim: hof sê Bennet moet uit
2009-10-16 16:39
Harare - Die hooggeregshof in Zimbabwe het beveel dat Roy Bennet, ‘n vertroueling van Morgan Tsvangirai, summier vrygelaat word.
Bennet se aanhouding het aanleiding gegee het tot die verbreking in bande met president Robert Mugabe se kamp in die koalisieregering.
Morgan Tsvangirai, Zimbabwiese premier, het vroeër aangekondig hy gaan samewerking met pres. Robert Mugabe se “oneerlike en onbetroubare” Zanu-PF party staak.
Hy het dit egter duidelik gemaak dat hy nog in die regering wil aanbly.
“Dit is ons reg om ons los te maak van ‘n oneerlike en onbetroubare vennoot,” het hy aan die media gesê.
Die terugtrekking van ministeriële kandidaat Roy Bennett se borgtog het opnuut die wankelrige ooreenkoms met Robert Mugabe onder die soeklig gebring.
Volgens Tsvangirai het Bennett se arrestasie en aanhouding die “klug van die geloofwaardigheid en integriteit” van die Robert Mugabe se magsdeling uitgewys.
Roy Bennett was Tsvangirai se keuse as adjunk-minister vir landbou.
Tsvangirai het vroeër ‘n kabinetsvergadering gekanselleer nà ‘n landdroshof Bennett se borgtog teruggetrek het.
Bennett sou in die hof verskyn op aanklagte van terrorisme.
Sy vervolging het wêreldwyd kritiek uitgelok.
Die vurige koffieboer, wie se plaas onteien is onder Mugabe, is oorspronklik in Februarie, ‘n uur voor die inswering van die nuwe regering, in hegtenis geneem. Hy is toe op borgtog vrygelaat, maar onlangs weer vasgetrek.
Sy saak het simbolies geword van onopgelosde uitdagings te midde bewerings van sterk optrede teen Tsvangirai-ondersteuners en geskille in die aanstellings van top amptenare.
- Sapa