Zim het nie geld om verkiesing te hou
2011-07-18 14:04
Harare – Zimbabwe se verkiesingskommissie (ZVK) sal nie vanjaar ‘n verkiesing kan hou tensy hulle meer geld van die regering kry nie, het 'n staatskoerant Sondag gesê.
“Die nasionale tesourie het slegs $8.5 miljoen (sowat R59 miljoen) aan die ZVK beskikbaar gestel,” het Simpson Mutambanengwe, die voorsitter van die ZVK, gesê.
“Ons oorleef skaars daarmee. Daar is nie geld nie.”
Zimbabwe gebruik tans die Amerikaanse dollar.
Dié bekendmaking is gemaak nadat pres. Robert Mugabe van die Zanu PF-party verlede week gesê het daar moet ‘n algemene verkiesing voor die einde van die jaar gehou word om ‘n einde aan die land se twee jaar lange koalisie-regering te bring.
Vroeër die maand het verteenwoordigers van Zanu PF en Morgan Tsvangirai se MDC-party, saam besluit dit sal nie moontlik wees om vanjaar jaar ‘n verkiesing te hou nie.
– Volg Nuus24 op Twitter.
- Sapa-DPA