Zim ervaar voedsel-krisis
2010-03-12 03:43
Harare – Ongeveer 2,17 miljoen Zimbabwiërs, of ‘n vierde van dié land se bevolking benodig kos, het die Rooikruis vereniging Donderdag gesê.
In ‘n verklaring het verskeie organisasies van die Rooikruis vir internasionale fondse gepleit om sodoende dringend voedsel aan Zimbabwe se inwoners te voorsien. Organisasies van die Verenigde Nasies het ook ‘n beroep op meer donasies gedoen.
Wisselvallige reën, in sekere gedeeltes te veel en in ander weer te min, het die koring vernietig, wat die stapelvoedsel in dié Afrika-nasie is.
Volgens die finansiële ministerie het ongeveer vier miljoen Zimbabwiërs reeds uit die land gevlug om werk in buurlande te gaan soek. Die huidige bevolking van Zimbabwe staan tans op agt miljoen.
Die Rooikruis het veral kommer uitgespreek oor die impak wat die tekort aan voedsel sal hê op mense wat met MIV/Vigs saamleef.
In Desember 2009 het die Rooikruis vereniging hul nood-voedsel veldtog tot Oktober 2010 verleng, en ‘n beroep op donateurs gedoen vir ekstra befondsing van $33.2 miljoen. Die agentskap is egter in die knyp met $23.9 miljoen, is Donderdag in ‘n verklaring gesê.
- Sapa-AP