Zim-busongeluk: 19 sterf
2011-07-31 23:09
Harare – Negentien mense is in die noorde van Zimbabwe dood toe 'n wiel van die bus waarin hulle gereis het, afgeval en die bus die pad verlaat het, het Zimbabwe se nasionale uitsaaikorporasie Sondag berig.
Agtien mense is op die ongelukstoneel in die dorp van Myurwi dood en 17 mense is beseer, het die land se radiostasie berig.
Die 19de slagoffer is in die Parirentvatwa hospitaal in Harare dood.
Polisie het gesê die bus was met 29 lede van 'n Apostoliese sekte na hul jaarlikse pelgrimstog in die dorp Concession, sowat 50 km suid van waar die ongeluk plaasgevind het, onderweg.
Volg Nuus24 op Twitter.
- Sapa - AP