Zim-beleggers skepties
2009-10-03 19:31
Harare – ‘n Groep beleggers van Duitsland, wat met besoek aan Zimbabwe was, het Saterdag gesê hulle is ietwat skepties oor die huidige stand van sake in dié land.
“Daar is heelwat vrae wat nie beantwoord kan word nie. Hierdie vrae het betrekking op wet en orde, het Adreas Wenzel, ‘n sakeman van Duitsland, gesê.
Slegs ‘n dekade gelede was Zimbabwe, Duitsland se tweede grootste handelvennoot in die area. Maar sedertdien is dié Afrika-land in politiese en ekonomiese chaos gedompel.
Wenzel en verskeie ander lede van die groep, wat sowat 24 besighede verteenwoordig, meen egter dat ten spyte van al die drama toon Zimbabwe nog potensiaal.
–Sapa