'Zim-akrobaat het doelbewus MIV versprei'
2010-05-25 14:02
Kaapstad - 'n Sirkusakrobaat in Australië wat in Zimbabwe gebore is, het doelbewus die MI-virus versprei deur onbeskermde seks met verskeie vroue te hê, sê die Australiese polisie.
Volgens die polisie is Godfrey Zaburoni (31) wat in die realiteitsreeks Australia's Got Talent verskyn het, in 1997 met MIV gediagnoseer.
Zaburoni, wat Australiese burgerskap het, se werk het hom reg oor die land geneem, berig Times Live.
Die akrobaat, wat vermoedelik minstens 12 vrouens in die provinsies van Queensland, Nieu-Suid-Wallis en Victoria besmet het, sal na verwagting Woensdag voor 'n landdros in Queensland verskyn.
Dié staat het tot dusver nog net een persoon skuldig bevind daarvan dat hy doelbewus 'n ernstige siekte aan ander mense oorgedra het.
Lees meer hier.
Volg Nuus24 op Twitter.