Zim: Polisie skiet traangas by kerk
2011-04-09 23:16
Harare - Volgens ooggetuies het die polisie in Zimbabwe, kerkgangers wat bymekaargekom het vir 'n gebedsdiens, Saterdag met traangas uitmekaar gejaag.
Onlustepolisie het glo ook 'n Rooms Katolieke kerk in Harare afgesper waar die Christelike Alliansie-party, wat glo bande met die eerste minister Morgan Tsvangirai het, 'n daglange gebedsdiens gereël het.
Volgens polisiemagte is die byeenkoms nie goedgekeur nie.
Talle vergaderings van Tsvangirai se MDC-party is verbied sedert president Robert Mugabe gevra het dat 'n verkiesing later vanjaar gehou word.
Volg Nuus24 op Twitter.
- SAPA