Zim: Ongeregistreerde buitelandse koerante verban
2012-02-03 22:57
Zimbabwe – Zimbabwe het bevestig dat alle ongeregistreerde buitelandse koerante verban sal word.
Ontleders sê die besluit kan die eerste aanslag wees op die bekendmaking van kritieke kwessies wat pres. Robert Mugabe raak voor 'n moontlike algemene verkiesing vanjaar.
Die media kommissie het gesê sommige buitelandse koerante het nie aan die 2010 opdrag gehoor gegee om by die owerhede te registreer nie en sal dus verbied word om koerante te versprei.
Dit wil voorkom asof die stap gemik is op The Zimbabwean, 'n koerant wat deur uitgewekenes gestig is en die Zimbabwiese uitgawe van die Suid-Afrikaanse Sunday Times is.
Albei dra gereeld berigte waarin Mugabe gekritiseer word.
– RSG.
– Volg Nuus24 op Twitter.