Zim: Minister van energie gearresteer
2011-03-10 22:10
Harare – Zimbabwiese polisie het Donderdag vir Elton Mangoma, minister van energie, in hegtenis geneem vir ondervraging oor onbekende aanklagtes, het Morgan Tsvangirai, eerste minister, gesê.
“Ek is pas ingelig dat die minister van energie gearresteer is,” het Tsvangirai gesê. “Ek, as eerste minister, het nie eers hiervan geweet nie.”
Die polisie wou nie bevestig of hulle wel vir Mangoma, wat deel van Tsvangirai se se Movement for Democratic Change (MDC) is, gearresteer het nie.
Mangoma is glo by sy kantoor deur drie polisiebeamptes inhegtenis geneem,” het Nelson Chamisa, die party se woordvoerder, gesê.
“Ons het geen idee hoekom hy gearresteer is nie,” het hy gesê.
- Volg Nuus24 op Twitter.
- Sapa - AFP