Zim: Duitse diplomaat in motor aangeval
2011-03-03 23:00
Harare – Die Duitse ambassadeur in Harare, Albrecht
Conze, se motorvenster is by ‘n kruising in 'n woonbuurt van Harare met ‘n klip uitgeslaan.
Die bestuurder van die motor het kortliks by ‘n
kruising gestop toe ‘n aanvaller die venster langs Conze uitgeslaan het.
Conze glo dat die aanvaller hom wou beroof,
maar het nie die moontlikheid dat die aanval polities gemotiveerd was, uitgesluit nie.
Lede van pres. Robert Mugabe se Zanu-PF was
ongelukkig oor ‘n artikel wat Conze in die plaaslike onafhanklike media
gepubliseer het.
In die artikel het hy vir Mugabe van
rassistiese retoriek en korrupsie beskuldig.
Volg Nuus24 op Twitter.
- SAPA