Zim: Aanvallers probeer nóg grond oorneem
2010-06-10 02:56
Harare – ‘n Nuwe toename van geweld het op 16 plase in die afgelope week in Zimbabwe losgebreek nadat aanhangers van president Robert Mugabe nóg grond probeer oorneem het.
‘n Vakbond, Commercial Farmers Union, wat sowat 300 wit boere verteenwoordig wat steeds op hul eiendom is, sê grond en toerusting word al hoe meer oorgeneem.
In oostelike Zimbabwe het ‘n swart voorman van ‘n plaas bewussyn verloor nadat hy in die Manicaland-distrik geslaan is.
‘n Ander boer se vrou is vier ure gegee om haar plaas te verlaat.
Beide insidente het Dinsdag plaasgevind, het die vakbond se leier, Charles Taff, Woensdag gesê.
Volgens Taff het polisie nog nie op oproepe om hulle te kom help gereageer nie.
Geen kommentaar was dadelik van die polisie beskikbaar nie.
Sedert 2000 is sowat 4 000 wit boere van hul grond verwyder in soms gewelddadige wyses.
Volg Nuus24 op Twitter.
- Sapa - AP