Zambië: Rondom 88 sterf in 2 maande aan masels
2010-07-16 12:23
Lusaka – Rondom 88 mense is die afgelope twee maande in Zambië aan masels oorlede, het Kapembwa Simbao, die minister van gesondheid, gesê.
Meeste van die sterftes was in Lusaka, die hoofstad.
Dit is die ergste uitbraak van masels sedert 2003.
Zambië beoog om volgende week ‘n reuse-inentingsveldtog te loods.
Drie jaar gelede het owerhede ook ‘n inentingsveldtog geloods, wat spesifiek op kinders gemik was.
“Daar is sover 4 255 gevalle van masels gerapporteer, waarvan 88 noodlottig was,” het die minister gesê.
Meer as 70% van die sterftes was in Lusaka.
Vroeër die jaar het vloede in Lusaka baie mense verhoed om inentings te ontvang.
Volg Nuus24 op Twitter.
- SAPA