Windhoek: 57 ongelukke in een naweek
2011-09-26 15:15
Windhoek – Altesaam 57 ongelukke is sedert Vrydag tot Sondagmiddag 15:00 in Windhoek by die polisie aangemeld en in twee gevalle is mense dood, het die Republikein berig.
Die eerste ongeluk het Vrydag om 19:15 plaasgevind toe die bestuurder van 'n motor met vier studente op die Westelike Verbypad skynbaar beheer verloor en die motor omgeslaan het.
Waldett van Wyk (19) het op die toneel van die ongeluk gesterf en die drie manlike insittendes is vir hul beserings behandel.
Op Otjomuise het 'n passassier Saterdag omstreeks 05:00 in 'n ongeluk gesterf, nadat die bestuurder 'n motor verbygesteek het en teen 'n aankomende voertuig gebots het.
In ongelukke die naweek het 23 mense ernstige beserings opgedoen. Nege voetgangers was by die ongelukke betrokke.
– Volg Nuus24 op Twitter.
– Lees die volledige artikel by die Republikein