Wikileaks: VN het Mugabe uitkoms gebied
2010-12-19 22:46
Londen - 'n Amerikaanse dokument wat deur die Wikileaks-klikwerf gepubliseer is, wys dat die Verenigde Nasies (VN) in 2000 'n aanbod aan Robert Mugabe gemaak het om as leier van Zimbabwe uit te tree.
In ruil daarvoor sou Mugabe en sy vrou 'n veilige woonplek en finansiële ondersteuning van Libië se president, Muammar Gaddafi, ontvang.
Die uitkoms is oënskynlik in 2000 deur die destydse sekretaris-generaal van die VN, Kofi Annan, aangebied.
Maar Mugabe het dit van die hand gewys nadat hy die aanbod met sy vrou bespreek het.
Die Zanu-PF-party het Mugabe (86) vandeesweek weer as hul kandidaat vir aanstaande jaar se presidentsverkiesings aangewys.
Lees verder.
- Sydney Morning Herald