Weermag slaan toe op Islamitiese groepe
2009-07-30 09:44
Nigerië- Islamitiese groepe, wat die afgelope vier dae oorlog in die land verklaar het, het gevlug na ‘n militêre aanslag deur die regering.
Die groep genaamd, Boko Haram (ook bekend as die Nigerië se Taliban), het ‘n reeks aanvalle op polisiestasies in die Noorde van die land geloods en sowat 200 mense vermoor.
Die weermag het intussen teruggeslaan en honderde kwaaddoeners in hegtenis geneem.
Weermaglede het Woensdag tydens ‘n klopjag op die leier van die groep, Mohammed Yusuf, se huis in Maiduguri toegeslaan.
Volgens die BBC het die groep nou gevlug, met die weermag warm op hulle spoor.
–Sapa