Weermag skiet rebelleleier in Soedan

2011-12-25 09:30

Khartoem – Soedan se weermag het 'n sleutel-rebelleleier van die Darfoer-streek doodgeskiet, het die staatsmedia Sondag berig.

Dít volg drie dae nadat anti-regeringsmagte op Khartoem toegesak het.

"Die Soedannese weermag het aangekondig dat hulle Khalil Ibrahim in 'n geveg wes van Wadbanda in Noord-Kordofan doodgeskiet het," het die amptelike Sudan News Agency (SUNA) berig.

Ibrahim was die hoof van die geregtigheid-en-gelykheidsbeweging.

– Volg Nuus24 op Twitter

- Sapa - AFP