Guinee: Vyf betogers doodgeskiet

2012-08-05 19:15

Guinee – Veiligheidsmagte het Vrydag op inwoners van Suidoos-Guinee geskiet wat teen die Brasiliaanse mynreus Vale betoog het omdat die maatskappy mense van ander etniese groepe aangestel het, het owerhede Saterdag gesê.

“Vyf inwoners is deur die veiligheidsmagte in die dorp van Zagota naby N'zerekore doodgeskiet," het Labile Michel Sonomou, president van die Guinee-tak van Prokureurs Sonder Grense, gesê.

’n Polisie-bron wat anoniem wou bly, het bevestig dat minstens vyf mense dood is toe soldate op die betogers geskiet het.

– Volg Nuus24 op Twitter.