Vyf in DRK vas vir ses beplande aanvalle
2011-10-08 11:21
– Kinshasha – Vyf gewapende mans is Vrydag in die Demokratiese Republiek van die Kongo in hegtenis geneem nadat hulle daarvan verdink word dat hulle aan ‘n groep behoort wat gelyke aanvalle op ses dorpe in die DRK beplan het, het die minister van binnelandse sake gesê.
Adolphe Lumanu het in ‘n verklaring gesê “’n bende van gewapende elemente” van Loukolola in Kongo- Brazzaville het vroeg Vrydagoggend die Kongo-rivier oorgesteek en ‘n aanval geloods in Lukolela in die noordooste van die DRK.”
Kongolese sekuriteitsmagte het vyf aanvallers vasgetrek en beslag gelê op 18 Kalashnikov en Uzi-vuurwapens, het die minister gesê.
In ‘n ondervraging het die groep gesê hulle is beveel om soortgelyke aanvalle in Mbandaka, Lukolela, Bolobo, Kwamouth, Kinshasa en Matadi in die weste van die DRK uit te voer, het Lumanu gesê.
Hul taak was om onmin in die DRK te saai, het die minister gesê.
Diegene wat in hegtenis geneem is het hul bevele van Faustin Munene, ‘n afgetreede generaal van die DRK-weermag, gekry.
Hy is sedert die begin van die jaar in Kongo-Brazzaville in aanhouding, het die minister gesê.
Volg Nuus24 op Twitter
- Sapa - AFP