Vyf Tunisiërs dood
2011-02-28 13:21
Tunis – Vyf mense is die naweek in Tunesië tydens betogings dood, het beamptes gesê.
Tunisië se premier, Mohammed Ghannouchi, het Sondag bedank en is deur Beji Caid Essebsi, ‘n voormalige minister, vervang. Die bedanking het gevolg ná daar vyf mense oor die naweek tydens teenregeringsbetogings dood is.
Sekuriteitsmagte het weer met betogers in Tunis gebots. Die betogers het, voordat die minister bedank het, geëis dat sekere ministers uit sy regering verwyder moet word.
“Dit is as gevolg van hierdie gewelddadige aksies, die onrus en die vure in Habib Bourguibalaan in Tunis dat daar vyf mense Saterdag dood is,” het ‘n regeringsbeampte gesê.
Sestien sekerheidsbeamptes is tydens die betogings beseer ná hulle met voorwerpe deur die betogers gegooi is.
- Volg Nuus24 op Twitter.