Vryspreking kan spanning in koalisie-regering verlig
2010-05-11 05:37
Harare – Zimbabwe se Roy Bennett sê sy vryspreking bewys dat daar onafhanklikheid binne dié land se regstelsel is.
“Ek is baie gelukkig,” het ‘n verligte Bennett aan verslaggewers ná die uitspraak gesê.
“Hierdie uitspraak gee hoop dat ons terugkeer na geregtigheid en heerskappy van die reg.”
Zimbabwe se hooggeregshof het Bennett, ‘n vertroueling van premier Morgan Tsvangirai, Maandag vrygespreek van alle terrorisme-aanklagte teen hom.
Die aanklagte kon tot die doodstraf gelei het.
Daar word beweer dat dié uitspraak die spanning in die koalisie-regering sal verlig.
- Reuters
Volg Nuus24 op Twitter.