Vrou gestenig oor egbreuk
2009-11-18 11:28
Mogadishu – ‘n Getroude 29-jarige vrou is deur die oproerige Somaliese groep al-Shabaab gestenig, nadat sy egbreuk gepleeg het. Dit is die tweede soorgelyke voorval hierdie maand, het beamptes gesê.
Sheik Ibrahim Sheikh Abdirahman, ‘n regter, het beveel dat die vrou se minnaar, ‘n ongetroude man, eenhonderd sweepslae moet kry.
Honderde toeskouers het die steniging laat Dinsdagmiddag, in die dorpie van Eelbon, aanskou.
Vroeër hierdie maand is ‘n 33-jarige man gestenig nadat hy ‘n verhouding in die dorpie Marka met ‘n vrou aangeknoop het.
Die al-Shabaab het streng maatreëls van die Islamietiese wet geïmplementeer in die areas waar hulle regeer. Hulle het selfoonliedjies en dansery op troues ook verbied.
- Sapa