Vreemde siekte eis 20 Mosambiekers
2009-08-17 12:17
Maputo – ‘n Ongeïdentifiseerde siekte in die Tsangano-distrik van Mosambiek het reeds 20 lewens sedert Mei vanjaar geëis.
Gesondheidsowerhede het monsters na Suid-Afrika gestuur, maar wag steeds op die uitslae, het die plaaslike koerant, O Paris berig.
Die siekte het reeds 20 lewens vanuit die 142 gevalle wat aangemeld is, geëis, luidens ‘n verslag uitgereik deur die gesondeheidsowerhede.
Die siekte val die die sentrale senuweestelsel aan. In sy beginfase is dit soortgelyk aan malaria en maagpyne.
Slagoffers verloor later ook hul spraak.
Die pandemie het glo in die Maujete-omgewing in Tsangano uitgebreek. Daar is egter geen mediesie klinieke in daardie omgewing nie.
Sommige pasiënte was genoodsaak om na ‘n streekshospitaal in die buurland Malawi te gaan vir verdere behandeling, berig die koerant.
- Sapa