Voormalige Liberiese president boikot verhoor
2011-02-09 20:00
Parys – Verwagtinge dat ’n belangrike verhoor oor oorlogsmisdade hierdie week sou eindig is in die wiele gery toe Charles G. Taylor, voormalige president van Liberië, en sy prokureurs die finale stadium van hofverrigtinge geboikot het.
Hulle beweer die Spesiale Hof vir Sierra Leone, gesetel in Den Haag, was onregverdig en deur politiek gedryf.
Eers het die prokureurs geloop. Taylor, wat nie kon waai omdat hy wagte by hom gehad het, het toe geweier om na die hof terug te keer na ’n pouse.
Die rede vir hul ontevredenheid was die regters se afwysing van ’n 600-bladsy verhooropsomming vanaf Taylor se regspan. Hierdie opsomming het ’n spertyd gemis, ten spyte van verskeie waarskuwings.
Courtenay Griffiths, Taylor se hoof regsverteenwoordiger, het gesê hy neem nie meer deel aan die verhoor nie. Volgens hom was die verhoor “’n klug”, en hy weier om “legitimiteit aan die verrigtinge te leen”.
Die verhoor sal waarskynlik vir ’n ongedefinieërde tydperk voortduur.
Lees hier meer.
Volg Nuus24 op Twitter.