Vloede eis 148 in Nigerië

2012-10-02 18:11

Lagos – Vloede in Nigerië het al 148 lewens geëis en meer as 64 000 dakloos gelaat, het die Rooikruis Dinsdag gesê en gewaarsku dat siektes soos cholera kan versprei.

Plaasliek amptenare het voorheen berig dat cholera al by 135 mense in die land gediagnoseer is.

“Die situasie sal waarskynlik net vererger as niks gedoen word nie,” het Daniel Sayi, die Rooikruis se hoof in Wes-Afrika, in ‘n verklaring gesê.

Die jongste syfers wys ‘n sterk toename in mense wat deur die vloede geraak is. Op 10 September het die Rooikruis berig dat 137 mense dood is en 35 000 dakloos gelaat is.

Meer as 200 mense is verlede jaar in Nigerië aan cholera dood.

Nigerië se reënseisoen strek gewoonlik vanaf Maart tot September.

– Volg Nuus24 op Twitter
 

- Sapa - AFP