Vier sterf in busongeluk in Egipte

2012-07-20 20:02

Kaïro – Egipte se amptelike nuusagentskap sê ‘n busongeluk in die suide het vier Egiptenare se lewens geëis en 35 ander mense, waaronder toeriste, beseer.

Middle East News Agency berig die ongeluk het vroeg Vrydagoggend op ‘n snelweg plaasgevind wat die stad Hurghada en die hawe van Ras Gharib in die suid-ooste van die land verbind.

Die nuusagentskap berig die bus het sowat 40 passasiers vervoer toe die voertuig te vinnig gery en omgeslaan het.

‘n Ma, haar tweejarige kleuter en twee ander mans het in die ongeluk omgekom.

Drie Duitsers en een Oekraïnse burger is onder die beseerdes.

Volg Nuus24 op Twitter

- Sapa - AP