Vermeende rebel in Jhb-hof vir borgtog
2010-10-14 12:30
Johannesburg - Die vermeende Nigeriese rebelleleier Henry Okah het Donderdag in die Johannesburgse landroshof verskyn vir sy borgtogverhoor.
Rudi Krause, Okah se regsverteenwoordiger, en die staatsaanklaer Shaun Abrahams het gestry oor die tegniese aspekte van Okah se borgtogaansoek.
Die verdediging het gevra dat die staat ‘n sertifikaat voorsien van die nasionale direkteur van openbare vervolging voordat die borgtogaansoek kan begin.
Volgens Mthunzi Mhaga, woordvoerder van die nasionale vervolgingsgesag, is dit nie nodig vir die staat om dié sertifikaat te verskaf totdat die verhoor begin nie. Hy het gesê dit beteken dat die borgtogaansoek kan voortgaan sonder die sertifikaat.
Okah, vermeende seniorlid van die rebellegroep die Beweging vir die Bevryding van die Niger-delta (Mend), word daarvan verdink dat hy betrokke was by die bomontploffings op 1 Oktober in Nigerië, waartydens 12 mense dood is.
Hy is ’n dag daarna by sy huis in die suide van Johannesburg gearresteer.
Volg Nuus24 op Twitter.
- SAPA