Verdagte huursoldate steeds in Libië aangehou
2011-11-29 11:01
Tripoli – Volgens ‘n verslag van die Verenigde Nasies (VN) word bykans 7 000 mense glo steeds deur voormalige Libiese revolusionêre vegters aangehou en mishandel.
Talle van die gevangenes het nie toegang tot ‘n behoorlike regsproses nie weens die afwesigheid van ‘n funksionerende polisiemag en regsstelsel, het Ban Ki-moon, die sekretaris-generaal van die VN, Maandag in ‘n verslag gesê.
Volgens die verslag maak Afrikane van sub-Sahara ‘n groot deel van die gevangenes uit en word hulle daarvan verdink dat hulle huursoldate was wat vir Muammar Gaddafi se regime gewerk het.
Ahmed Bani, die nuwe hoof van die Libiese weermag, het gesê hy is nie bewus van die beweerde swak behandeling van gevangenes nie.
– Volg Nuus24 op Twitter.
- Sapa - AP