VSA hou chemiese wapens fyn dop
2011-08-23 21:06
Tripolil – Libië se vrag chemiese en biologiese wapens word
met ‘n valkoog deur die VSA dopgehou, het die Pentagon verseker.
“Ons monitor persele waar chemiese en
biologiese wapens gestoor word,” het ‘n woordvoerder vir die Pentagon, kolonel
David lapan, gesê.
Muammar Gaddafi se regime het die Verenigde Nasies-konvensie wat die gebruik van chemiese wapens verbied, onderteken.
Daar was egter nog sowat 11.25 ton in hul
besit toe die stryd om Gaddafi se regime omver te werp in Februarie vanjaar
begin het.
Die Organisasie vir die Verbod op Chemiese
Wapens (OPCW) het egter verseker dat die 3 563 krygsvoorraad-eenhede – soos bomme en missiele – wat nodig is vir
die verspreiding van die chemiese en biologiese wapens, vernietig is.
Persele waar chemiese en biologiese wapens
gehou word, is by Rabta, sowat 100 km suid van Tripoli en by Al-Jufra, suid van
Sirte.
Intussen het SkyNews berig dat die rebelle-magte
wat Muammar Gaddafi se kamp binnegeval het, die diktator se arsenaal
leeggedra het.
Volg Nuus24 op Twitter.
- Sapa - AFP